🌼उपासनेचे महत्व🌼

🌼उपासनेचे महत्व🌼

आपले भविष्य / नशीब याविषयी प्रत्येकालाच कुतूहल , आशावाद, आणि थोडी भीतीसुद्धा असते. ' भविष्य जाणून घ्यायला गेलो आणि नेमकं काही -ve कळलं तर? त्यापेक्षा नकोच. ' असा विचार असतोच. ही पायरी ओलांडून काहीजण ज्योतिषाचा आधार घेतात. सगळं नीट असेल तर सुखावतात, (ज्योतिषी पूर्ण वाईट असं सांगतच नाहीत. तसे त्यांच्या शपथविधीतच असते.) पण काळजी घ्यायला हवी असे सांगितले तर घाबरतात . उपाय विचारले जातात. उपायांचा फायदा नसतो असं मुळीच नाही. पण माझ्या मते उपाय करणं म्हणजे आजचं मरण उद्यावर ढकलणं आहे. कर्मसिद्धांतानुसार तुमच्या कर्माचं फळ तुम्हाला आज ना उद्या भोगावच लागेल. उपाय करून तुम्ही ते पुढं ढकलता इतकंच. त्यापेक्षा उपासना हा कर्मबंधनातून सुटण्याचा एक मार्ग आहे. ती योग्यप्रकारे होण्याकरता सूरुवातीला आपल्या कुलदेवतेचा आधार घ्यावा. तिचे नामस्मरण करत जावे, वर्षातून एकदा तरी दर्शनाला जावे, ओटी भरावी. मानसपुजेचा प्रयत्न करावा आणि आपली सगळी सुख - दु:ख तिला सांगून योग्य दिशेने प्रयत्न करण्याची शक्ती मागावी. याचा नक्की फायदा होतो कारण आपली आध्यात्मिक उन्नती जिथे होऊ शकेल त्याच कुळात आपला जन्म होतो. (विवाहानंतर स्त्रियांनी सासरची कुलदेवता पुजावी.)

©️ ज्योतिष शास्त्री प्रज्ञा तिखे.
केपी अभ्यासक.
पुणे.